Коронавирусийн халдвараас сэргийлэх зорилгоор  нутгийн зөвлөл, албан байгууллагууд, хамт олны золголт хийхгүй байх, сар шинийн баярын Үндэсний бөхийн барилдааныг зохион байгуулахгүй байх зэрэг нийтийг хамарсан спорт, урлаг, сургалтын арга хэмжээг хязгаарлах шийдвэрийг Засгийн газраас гаргасан. Ийнхүү Монголчууд хоёр дахь жилдээ сар шинийн баярыг гэр бүлийн хүрээнд тэмдэглэн өнгөрүүлэх гэж байна. Хэдийгээр Монголчуудын хүндэтгэл уламжлал шингэсэн баяр ч гэлээ Дэлхий нийтийг хамарсан цар тахал дотооддоо алдчихсан энэ үед ах дүүсээрээ өргөн тэмдэглэх боломжгүй цаг үе таарсан. Гэвч иргэд уг асуудалд хоёр талын байр суурьтай байгаагаа илэрхийлсээр байна. 

Хориглох шийдвэр гарсан ч, гараагүй ч энэ жил Цагаан сарыг гэртээ л тэмдэглэж хөгшин настай эмээ өвөө аав ээждээ очиж золгоно гэцгээж байна. Азай буурлууддаа хүндэтгэл үзүүлдэг ганц баяраа гэрээ таг цоожлоод ахмадуудаа гомдоож суух нь харамсалтай байна хэмээн иргэд сэтгэгдэлээ хуваалцаж буй."Ахмадуудын хувьд ч тэр энэ асуудалд хоёр талын байр суурьтай хандаж  урьдын адил хүүхдүүдээ цуглуулаад банш, буузаа чимхээд, бэлтгэлээ базааж  Сэтгэл гаргаж бэлтгэлээ хийж  байхад хүүхдүүд нь очихгүй байж болохгүй шүү дээ. Тиймээс хориг тавьсан ч Цагаан сарыг тэмдэглээд өнгөрнө хэмээн үзэх ахмадууд ч байгаа юм. 

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0