C°/C°
Орхон аймгийн Онцгой комисс хуралдлаа. Хуралдаанаар Орхон аймгийн Засаг даргын А/13 тоот захирамжийг өнөөдрөөс буюу 2021 оны 02-р сарын 04-ний өдрөөс 2-р сарын 18-ыг дуустал сунгах шийдвэр гаргалаа.Уг захирамжинд
Баян-Өндөр, Жаргалант сумдын хэмжээнд зөвшөөрөл бүхий аж ахуйн нэгжүүд архи согтууруулах ундааг өглөөний 10.00 цагаас оройн 18.00 цаг хүртэл худалдан борлуулахыг зөвшөөрсөн хугацааг 2021 оны 02 дугаар сарын 18-ний өдрийг дуустал сунгах.
Аймгийн нутаг дэвсгэрийн хэмжээнд архи согтууруулах ундаагаар үйлчлэх үйл ажиллагаа (рестораны архи согтууруулах ундааны үйлчилгээ, баар, караоке, паб)-г түр зогсоосон хугацааг 2021 оны 02 дугаар сарын 18-ний өдрийг дуустал сунгах.
Мөн олон нийтийг хамарсан үйл ажиллагаа (хичээл, цугларалт, сүм хийдийн хурал, үзвэр, хонжвор, РС тоглоом, уралдаан тэмцээн)-г түр зогсоосон хугацааг 2021 оны 02 дугаар сарын 18-ний өдрийг дуустал сунгах гэсэн байна. Аймгийн онцгой комиссоос гарсан зарим шийдвэрүүдийн хувьд Хот доторх тээврийн хэрэгслийн хөдөлгөөнд хязгаарлалт хийх тухай тодруулбал энэ сарын 8 наас 15 ныг дуустал тээврийн хэрэгсэлүүд дугаарын хязгаарлалттай зорчино. Улаанбаатар хотоос ирэхээр бүртгүүлсэн 1260 иргэнийг татаж авах үйл ажиллагааг 2-р сарын 5 ны өдрөөс эхлүүлэхээр болсон бөгөөд Драгон төв дээрээс иргэдийн өдөр бүр хоёр автобуссаар татан авах нэгдсэн арга хэмжээ зохион байгуулах юм байна. Эрдэнэт хотоос гарах хүсэлтэй иргэд мөн бүртгэл хийлгэж зорчих боломжтой гэв. Орхон аймаг бусад аймаг орон нутгаас иргэдийн нэвтрүүлэхгүй журамд заасан тохиолдолд шаардлагатай иргэдийг зорчуулна.
СЭТГЭГДЛҮҮД /0/