Аймгийн иргэдийн Төлөөлөгчдийн хурлын Тэргүүлэгчдийн III хуралдаанаар 2021-2024 онд хэрэгжүүлэх “Багийн хөгжлийг дэмжих” хөтөлбөрийг баталлаа. Тус хөтөлбөрийг

1. Багийн Засаг дарга болон багийн Иргэдийн Нийтийн хурлын үйл ажиллагаанд дэмжлэг үзүүлж, ажиллах нөхцөлөөр хангах

2. Иргэдэд үзүүлэх төрийн үйлчилгээний чанар, хүртээмжийг сайжруулах

3. Багийн үйл ажиллагааны чадавхийг бэхжүүлж, багт ажиллагсдын мэдлэг, чадварыг дээшлүүлэх, тэдний нийгмийн асуудлыг шийдвэрлэх, ажлын хариуцлагыг сайжруулах

4. Багийн үйл ажиллагаанд иргэд, байгууллагуудын оролцоог хангах, тэдний эрх ашгийг хамгаалах, иргэдээс гаргасан санал хүсэлтийг шуурхай шийдвэрлэх нөхцөлийг бүрдүүлэх гэсэн үндсэн дөрвөн зорилтын хүрээнд хэрэгжүүлэхээр болсон юм.

Судалгаагаар багийн ажлын албаар үйлчлүүлж байгаа иргэдийн 40 гаруй хувь нь оршин суугаа газрын тодорхойлолт авдаг бөгөөд багийн ажлын албанаас иргэдэд хүргэх үйлчилгээг цахимжуулахад анхаарч хөтөлбөрт тусгасан гэдгийг АЗДТГ-ын Төрийн захиргаа, удирдлагын хэлтсийн дарга Ш.Ганболд хэллээ.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0