Монгол Улсад Уул уурхайн салбар үүсэж хөгжсөний 100 жилийн ойн хүрээнд зохион байгуулж буй "Уурхайчдын спортын их наадам 2022" тэмцээн Эрдэнэт үйлдвэрийн дэргэдэх Спорт цогцолборт өнөөдөр эхэллээ. Уг тэмцээнийг Уул уурхай, хүнд үйлдвэрийн яам, “Эрдэнэт үйлдвэр” ТӨҮГ, Оюу толгой ХХК, Эрдэнэс тавантолгой” ХК хамтран зохион байгуулж байна. Үүрд хадгалах цомын төлөөх уурхайчдын спортын их наадамд “Ачит ихт” ХХК, АМГТГ, Багануур ХК, “Бадрах энержи” ХХК, Болд төмөр ерөө гол, Баянгол уурхай, Бороо гоулд, Дарханы төмөрлөгийн үйлдвэр, Монросцветмэт, Мера ХХК, МоЭнКо ХХК, Саусгоби сэндс ХХК, Нормаунт ХХК, Монгол майнинг энд эксплорейшн ХХК, Си ар майнтээн ХХК, Шивээ овоо ХХК, Эрдмин ХХК, Шарын гол, “Эрдэнэт үйлдвэр” ТӨҮГ, “Эрдэнэс тавантолгой”, Оюутолгой, Цемент шохой ТӨХК, Цайрт минерал ХХК зэрэг уул уурхайн 30 компанийн 1500 тамирчин дөрвөн өдрийн турш спортын таван төрөлд авьяас билиг, хурд хүч, авхаалж самбаагаа сөрөн өрсөлдөх юм.      

Тэмцээний нээлтийн ёслолд УУХҮЯ-ны Уул уурхайн бодлогын газрын Тэргүүлэх технологийн хэлтсийн дарга Ч.Цогтбаатар, “Эрдэнэт үйлдвэр” ТӨҮГ-ын Ерөнхий захирал Г.Ёндон, Оюутолгой ХХК- ийн Гүний уурхайн төслийн захирал Жак Ван Тондер, Оюутолгой ХХК-ийн Хэвлэл мэдээлэл хариуцсан захирал Ганзориг, “Эрдэнэс тавантолгой” ХК-ийн Нийгмийн судалгаа, хөгжлийн төвийн дарга Э.Батжаргал нар урилгаар оролцлоо. Энэхүү тэмцээний зорилго нь Монгол Улсад Уул уурхайн салбар үүсэж хөгжсөний 100 жилийн ойг орон даяар сурталчлах, уул уурхайн салбарын төр, хувийн хэвшлийн байгууллагуудын хамтын ажиллагааг бэхжүүлэх, ажилтан албан хаагчдыг биеийн тамир спортод өргөнөөр хамруулж, спортод хандах идэвх, сонирхлыг өрнүүлэх, тамирчдын ур чадварыг дээшлүүлэх, салбарын спортын аварга байгууллагыг тодруулахад оршиж байна. 

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 2

  • Шинэ мэдээ