Монгол Улсын Засгийн газраас "Эрүүл шүд-Эрүүл хүүхэд” үндэсний хөтөлбөрийг хэрэгжүүлж 0-6 насны хүүхдийн амны хөндийн эрүүл мэндэд онцгой анхаарах болсон. Үүний хүрээнд улсын хэмжээнд 243 хөдөө орон нутгийн 84, нийслэлийн 115, нийт 243 шүдний эмнэлэг 0-6 насны хүүхдэд үнэ төлбөргүй үйлчлэхээр хөтөлбөр хэрэгжиж эхлэсэн Хөтөлбөрийн хүрээнд амны хөндийн урьдчилан сэргийлэх үзлэг, зөвлөгөө, шүдний цоорол, сувгийн эмчилгээ, эрдэсжүүлэх түрхлэг, шүд авах зэрэг үйлчилгээ үзүүлж байна. Эмчилгээний төлбөрийг Засгийн газраас гаргаж нэг хүүхдэд 60 мянган төгрөгийн үйлчилгээ үзүүлэхээр зааж гэрээг байгуулжээ. 5-р сараас эхлэсэн тус хөтөлбөрт Орхон аймгийн хэмжээнд 5 эмнэлэгт 1000 гаруй хүүхэд үйлчилүүлсэн байна.Улсын хэмжээнд энэ жил 4,4 тэрбум төгрөгийг зөвхөн 0-6 насны хүүхдийг хамруулах хөтөлбөрт зарцуулахаар төсөвлөсөн. Хөтөлбөр орон нутагт хэрэгжээд 1сар гаруй хугацаа өнгөрсөн ч гэрээ байгуулсан эмнэлэгүүдэд санхүүжилт огт хийгдээгүй байна.

Санхүүжилт хэзээ олгогдох талаар НДХ-ын ЭМД-ын улсын байцаагч Д.Энхжаргалаас тодрууллаа.

Манай аймагт хөтөлбөр 4-р сараас эхлэсэн гэрээ байгуулсан нэг эмнэлэгт санхүүжилтыг 5-р сард шилжүүлсэн .Шинээр 5-р сард гэрээ байгуулж ажилласан эмнэлэгүүдийн санхүүжилт өнгөрсөн 6-р сард Сангийн яамнаас орж ирээгүй байна.Төрийн сангийн гүйлгээ сар бүрийн 25 наас хаагддаг. Одоогоор гүйцэтгэлээрээ 5 эмнэлэгт нийтдээ  41 сая төгрөгны санхүүжилт олгогдох ёстой. Тодорхой үнийн дүн заагаагүй эмнэлэгүүд үйлчилсэн хүүхдийнхээ тоогоор гүйцэтгэлээ гаргаад санхүүжилтээ авах боломжтой. 7-р сардаа багтаан олгох байх Эрүүл мэндийн даатгалын ерөнхий газраас бид тодруулж ажиллаж байгаа.

Д.Болормаа 

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0