Орхон аймгийн хэмжээнд 50- иас дээш насныхан болон эхний тунгаа хийлгэсэн иргэдийг 2-р тунд хамруулах вакцинжуулалтын ажил үргэлжилж байна.Өнөөдрийн байдлаар 1-р тунгаа хийлгэсэн 23765 иргэн  2-р тунгаа хийлгэсэн 9500 хүн байна.

 Вакцины татан авалт хэвийн үргэлжилж байгаа бөгөөд үе шаттайгаар вакцинжуулалт тасралтгүй  явагдана гэдгийг онцоллоо. Зорилтот бүлгийн иргэдээ хамруулсны дараа 18-49 насны иргэд рүү чиглэсэн вакцинжуулалт явагдана гэв.Одоогоор Орхон аймагт зөвхөн "СИНОФАРМ" вакцин орж ирсэн тул бусад төрлийн вакцин хэзээ орж ирэх талаарх мэдээллийг тухай бүрт иргэдэдээ хүргэнэ гэж ЭМГ-аас мэдээллэв. Энэ сарын дунд үе  гэхэд 18-49 насынханд хийгдэх вакцин татан авалт ирэхээр төлөвлөж байна гэв. 

Одоогоор вакцин 7 цэгээр хийгдэж байгаа бөгөөд ААН байгууллагууд болон уурхайд ажилд явахаар хугацаа нь болсон иргэд ЭМГ-т хүсэлтээ өгөх юм байна. 

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0