C°/C°
НҮБ-ЫН АЗИ, НОМХОН ДАЛАЙН НИЙГЭМ ЭДИЙН ЗАСГИЙН КОМИССЫН ГҮЙЦЭТГЭХ НАРИЙН БИЧГИЙН ДАРГА ХАТАГТАЙ АРМИДА АЛИСЖАБАНАТАЙ УУЛЗЛАА.
НҮБ-ын АНДЭЗНК нь манай бүс нутгийн өмнө тулгарч буй нийгэм, эдийн засгийн сорилтыг даван туулах, нийтлэг зорилтыг тодорхойлох, гишүүн улсдаа тогтвортой хөгжлийн чиглэлээр бодлогын санал боловсруулах, техникийн туслалцаа үзүүлэх зэргээр дэмжлэг үзүүлж ирснийг Монгол Улс гишүүн улсын хувьд өндрөөр үнэлдэг.
Монгол АНДЭЗНК-ын хамтын ажиллагаа байгаль орчин, статистик, гамшгийн эрсдлийг бууруулах, транзит тээвэр, худалдааг хөнгөвчлөх, далайд гарцгүй хөгжиж буй улсын эрх ашгийг хамгаалах зэрэг чиглэлээр амжилттай хөгжиж буйд сэтгэл хангалуун байгаагаа илэрхийллээ.
Монгол Улсын Ерөнхийлөгч Khurelsukh Ukhnaa хувьд Монгол Улсад тэрбум мод тарих үндэсний хөдөлгөөнийг 2021 онд НҮБ-ын Ерөнхий Ассамблейн чуулганы үеэр зарлаж байсныг дурдан, энэ чиглэлээр хамтран ажиллах сонирхолтой байгааг тэмдэглэлээ. Тэр дундаа энэхүү үндэсний хөдөлгөөнийг ажил хэрэг болгоход техникийн болон санхүүгийн туслалцаа авах чиглэлд донор улс, байгууллагатай харилцахад Нарийн бичгийн дарга нарын газартай ажиллах бололцоотой.
Комиссын зүгээс Монгол Улсад “Ногоон бонд” гаргах бэлтгэл ажилд дэмжлэг үзүүлэхээр ажиллаж байна.
Уур амьсгалын өөрчлөлтөд дасан зохицох чиглэлээр олон улсын аргачлал туршлагыг ашиглан дэд бүтэц, ялангуяа сэргээгдэх эрчим хүч, иргэдийн амьжиргаа, нийгэм соёлын салбарт шинэчлэл хийх шаардлагатай байна. Иймээс хоёрдогч хотыг хүлэмжийн хийн ялгарал багатай, төлөвлөх чиглэлд хамтран ажиллах санал дэвшүүллээ.
БОАЖЯ нь Зүүн Хойд Азийн байгаль орчны хамтын ажиллагааны хөтөлбөрийн хүрээнд ихээхэн ач холбогдол өгч идэвхтэй хамтран ажилладаг. Ялангуяа цөлжилт, газрын доройтлын чиглэлд манлайлалтай ажиллахаар зорьж байна
СЭТГЭГДЛҮҮД /0/