Өнгөрсөн долоо хоногийн байдлаар 2883 иргэн зорчих хөдөлгөөн хийхээр erdenet.mn бүртгүүлжээ. Үүнээс 1887 иргэнд зөвшөөрөл олгож 984 иргэнд татгалзсан байна. Улаанбаатар хотоос өнгөрсөн долоо хоногт 616 иргэн ирж гэрийн тусгаарлалтад байна. Дээрх иргэдийг GPS-ээр хянаж байгаа бөгөөд давтан шинжилгээний хариу гартал 7 хоногийн хугацаанд тусгаарлагдах юм.Улаанбаатар хотоос ирэх хөдөлгөөн нэмэгдэж тул хяналтаа сайжруулахыг анхаарууллаа. Мөн Улаанбаатар хотоос ирээд гэрийн тусгаарлалтын журам зөрчсөн болон ПСР шинжилгээний хариу гараагүй байхад зорчихыг завдсан дүрэм дэглэм зөрчсөн иргэдийг өөрсдийн зардлаар аймгийн онцгой комиссоос бэлдсэн тусгаарлалтын байранд 14 хоног тусгаарлах арга хэмжээ авч ажиллахыг үүрэг болголоо. Түүнчлэн Булган аймгаас орж ирэх хөдөлгөөнийг түр хязгаарлахаар болов. Энэ нь Улаанбаатар хотоос Булган аймгийн Могод суманд очоод буцсан нэг иргэнээс халдвар илэрсэн тул бид сонор сэрэмжтэй байх үүднээс ийнхүү хөдөлгөөнийг түр зогсоолоо.
Сүүлийн хоёр сар гаруй хугацаанд Орхон аймагт сэжигтэй тохиолдол илрээгүй ногоон бүс хэвээр байна. Иймд иргэд халдвар хамгааллын дэглэмийг сайтар сахиж, амны хаалтаа тогтмол зүүж олон нийтийн газраар үйлчлүүлэхдээ хувийн дэглэмийг сахиж байх хэрэгтэй байна.
СЭТГЭГДЛҮҮД /0/