Цэцэрлэгийн үйл ажиллагаатай холбоотой зохицуулалтын талаарх мэдээллийг Боловсрол, шинжлэх ухааны яамнаас танилцууллаа.
Цэцэрлэгийн танхимын сургалт, үйл ажиллагаа 2022 оны хоёрдугаар сарын 14-ний өдөр эхлэх бөгөөд дунд, ахлах, бэлтгэл бүлгийн хүүхдүүд хамрагдана. Хүүхдийн насыг хичээлийн жилээр тооцож бүлгийн зохион байгуулалт хийдэг бөгөөд бэлтгэл бүлэгт 2016 онд, ахлах бүлэгт 2017 онд, дунд бүлэгт 2018 онд төрсөн хүүхэд тус тус хамрагдах юм.
2021-2022 оны хичээлийн жилд цахим бүртгэлд бүртгүүлсэн дунд, ахлах, бэлтгэл бүлгийн хүүхдүүдийг үргэлжлүүлэн танхимын сургалтад хамруулна. Орон нутагт цэцэрлэгийн анги танхимын хүрэлцээ, багтаамжийг харгалзан зарим цэцэрлэгт нэмэлт бүртгэл, элсэлт хийнэ. Улаанбаатарт шинээр ашиглалтад орсон долоон цэцэрлэгт нэмэлт бүртгэл, элсэлт хийнэ.
2022 оны хоёрдугаар сарын 18-24-ний өдрүүдэд бага бүлгийн бүртгэлийг зохион байгуулна. Орон нутгийн хувьд тухайн цэцэрлэг дээрээ бүртгэл зохион байгуулна. Шинжилгээний тухайд энэ хичээлийн жилд цэцэрлэгт хамрагдаж байсан түр хугацаанд гэртээ байсан хүүхдүүд өгөх шаардлагагүй.Энэ хичээлийн жилд цэцэрлэгт хамрагдаагүй хүүхдүүд шинжилгэээнд хамрагдах шаардлагатай юм.
Эрдэнэтийн орос цэцэрлэг бага насны хүүхдээс цусны ерөнхий шинжилгээ шаардаж бна яагаад тийм жаахан хүүхдэд заавал тариураар хатгаж өвтгөж бдг бнаа эмч хараад айдаг уйлдаг боллоо ямар хэцүү юм бэ
Юр