Монголын амины орон сууцны инновац хөгжлийн төвөөс Орхон аймгийн Эрдэнэ багт хэрэгжих эрчим хүчний хэмнэлттэй орон сууцны төслийг танилцууллаа. Урьдчилсан байдлаар тухайн хэсэгт таван загварын амины орон сууц барих боломжтой гэж үзэж байгаа ажээ. Эхний ээлжид эрчим хүчний хэмнэлттэй амины орон сууцны төслүүдийн үр нөлөөг иргэд, олон нийтэд таниулах, сурталчлах “Ногоон амины орон сууц нээлттэй өдөрлөг”-ийг ирэх сарын 22,23-нд зохион байгуулж, иргэдэд мэдээлэл өгөх юм.

Мөн Цагаанчулуут багт хэрэгжих дахин төлөвлөлтийн сонгон шалгаруулалтад оролцохоор Улаанбаатар хотын “Андын зам” ХХК-ийн төлөөлөл аймгийн удирдлагуудтай уулзаж, үйл ажиллагааны цар хүрээ, хүчин чадал, хэрэгжүүлж буй зарим төслүүдээ танилцууллаа. “Андын зам” ХХК нь Улаанбаатар хотын Хан-Уул дүүрэгт гэр хорооллын дахин төлөвлөлтийн төслийг хэрэгжүүлж, тодорхой хэмжээний туршлага хуримтлуулсан үндэсний аж ахуйн нэгжийн төлөөлөл юм.

Цагаанчулуут багт төсөл хэрэгжүүлэх сонгон шалгаруулалт ойрын хугацаанд зарлагдах бөгөөд сонирхсон аж ахуйн нэгж байгууллагууд эрх тэгш оролцох боломжтой гэдгийг илэрхийллээ.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0