Орхон аймгийн Баян-Өндөр сумын газрын албанд 2008 оноос хойш шийдвэрлэгдээгүй 14 мянга орчим иргэний газар хүссэн өргөдөл хүлээлгэнд байдаг.
Баян-Өндөр сумын хувьд газар хүн амын тоо харьцангуй өндөр газрын нөөц багатай холбоотойгоор шийдвэрлэлт хүлээгдэл байнга үүсгэдэг. Тиймээс Баян-Өндөр сумын газар зохион байгуулалтын тухайн жилийн төлөвлөгөөнд ороогүй газарт зөвшөөрөлгүй дур мэдэн шон, хашаа хатгаж буусан иргэд аж ахуй нэгжүүдэд газар чөлөөлөх ажлыг зохион байгуулан ажиллаж нөхөн олговрын газрыг олгож ирсэн. Жилийн жилд маргаан санал гомдол дагуулдаг газар олгох ажлын хүрээнд энэ онд 188 иргэнд газар эзэмшүүлэх боломжтой гэж Баян-өндөр сумын газрын албанаас мэдээллэв.2012 онд өргөдөл өгсөн 2431-2618 хүртэлх дугаартай 188 иргэнд газар олголт хийгдэх тул эдгээр иргэдийн тухайд 5-р сарын 1,2 ны өдрүүдэд газар олголтын бүртгэлд хамрагдахыг анхаарууллаа.
СЭТГЭГДЛҮҮД /0/