Аймгийн ИТХ-ын ээлжит бус хуралдаанаар Тулгар төрийн 2232 Их Монгол Улс байгуулсны 817,Ардын хувьсгалын 102 жилийн ой, Орхон аймгийн баяр наадмыг зохион байгуулах тухай хэлэлцлээ.
Баяр наадмыг зохион байгуулах хороог энэ жил Ш.Ганболд дарга ахална. Хороо 26 хүний бүрэлдэхүүнтэй байх юм. Энэ жилийн Эрдэнэтийн наадмыг зохион байгуулахад орон нутгийн төсвөөс 219 сая,Эрдэнэт үйлдвэртэй хамтран ажиллах төлөвлөгөөний зардлаас 200 сая төгрөгийг зарцуулахаар зардлын задаргааг баталсан юм.Өнгөрсөн жил улсын баяр наадмын төсөвт орон нутгийн төсвөөс 270 сая төгрөг зарцуулж байсан юм.
Батласан төсвийг задалбал үндэсний бөхийн барилдаан 22.1 сая, хурдан морины уралдаанд 65 сая, үндэсний сур, шагайн харваанд 14 сая, баяр наадмын талбайн тохижилтын зардалд 27.2 сая, хэв журам хамгаалах зардалд 21.4 сая төгрөг зарцуулах бол үлдсэн санхүүжилт наадмын нээлт, соёл урлаг, спортын арга хэмжээ, наадмын төв комисс, хэвлэл мэдээллийн зардалд зарцуулагдана гэв.
СЭТГЭГДЛҮҮД /0/