Аймгийн ИТХ-ын 16-р хуралдаанаар 2023 оны хөгжлийн жилийн төлөвлөгөөний гүйцэтгэл, 2024 оны хөгжлийн жилийн төлөвлөгөөний төслийг хэлэлцлээ. Хуульд зааснаар аймаг, орон нутаг хөгжлийн жилийн төлөвлөгөөгөө аравдугаар сарын 1-ний дотор батлах хуультай.
2023 оны хөгжлийн жилийн төлөвлөгөө нь нийт 8 бүлэг, 33 зорилт, 181 үйл ажиллагаатай батлагдсанаас хэрэгжилт 75,3 хувийн биелэлттэй байгаа аж. Үүнээс 30 хувийн биелэлттэй 9, 50 хувийн биелэлттэй 24, 70 хувийн биелэлттэй 76, 90 хувийн биелэлттэй 16, 100 хувийн биелэлттэй 54 арга хэмжээ байна.
Харин 2024 оны хөгжлийн жилийн төлөвлөгөөний төслийг боловсруулахдаа 97 үндсэн үйл ажиллагааг томьёолж 181 арга хэмжээг тусган боловсруулжээ. Ингэхдээ нийт 33 байгууллагын 311 саналыг авч нэгтгэн сайжруулжээ.
Ирэх онд хэрэгжүүлэх жилийн төлөвлөгөөний төсвийн бүтцээр нь харвал 16 нь улсын төсвөөс, 120 нь орон нутгийн төсвөөс, орон нутгийн хөгжлийн сангаас нэг, гадаад зээл тусламжаас гурав, бусад эх үүсвэрээс 23, төсөв шаардлагагүй 20 ажлыг тусгасан байна.
СЭТГЭГДЛҮҮД /0/