Аймгийн БОЭТ-ийн хавдрын тасаг нь энэ оны дөрөвдүгээр сараас эхлэн орон нутагтаа хавдрын бай эмчилгээг хийж эхэллээ. Өнөөдрийн байдлаар 48 хүн тус эмчилгээнд хамрагдаад байна.
Манай аймгийн хэмжээнд сар бүр дунджаар 8-10 хүн хавдраар оношлогддог. Нийт 1200 орчим хавдартай иргэн байна гэсэн судалгаа байдаг.
Тухайн хавдарт очиж үйлчлэх эмчилгээг бай эмчилгээ гэж нэрлэдэг. Монгол улсын хэмжээнд хавдар судлалын төв болон хувийн эмнэлгүүд энэхүү эмчилгээг хийдэг бөгөөд дунджаар зургаан курс эмчилгээ хийгдэхэд ойролцоогоор 25 сая төгрөг зарцуулах өртөг өндөртэй эмчилгээ юм.
Иймд Орхон аймаг орон нутагтаа энэхүү эмчилгээг нутагшуулсанаар хавдартай хүн заавал Улаанбаатар хотыг зорьж эдийн засаг болон цаг хугацаа алдах эрсдэлийг бууруулж өгч байгаа юм.
Энэ онд бай эмчилгээний эм эмнэлгийн хэрэгслийн худалдан авах ажиллагааг зохион байгуулж татан авалт хийгдсэн бөгөөд хавдрын тасгийн орчин нөхцлийг сайжруулах зорилгоор орон нутгийн төсвөөс 235 сая төгрөг төсөвлөжээ.
-10°C / -4°C
Эрдэнэт · Цас
СЭТГЭГДЛҮҮД /0/