C°/C°
Эрүүгийн хуульд оруулсан нэмэлт, өөрчлөлтийг дагалдуулан Зөрчлийн тухай хуульд нэмэлт өөрчлөлт оруулсан юм. Энэ хүрээнд замын хөдөлгөөнд оролцохдоо дүрэм зөрчиж, торгуульсан бол 15 хоногийн хугацаанд нь торгуулиа төлөх зохицуулалтыг хуульд тусгасан. Өөрөөр хэлбэл, Зөрчлийн тухай хуульд зөрчил гаргасан хүн, хуулийн этгээд торгуулиа хугацаа гэдгийг 15 хоног байна гэж заасжээ.
Хэрвээ дээр хуульд заасан 15 хоногтоо торгуулиа төлбөл 50 хувийн хөнгөлөлт үзүүлэхээр хуульчилжээ. Харин торгуулиа хугацаандаа төлөөгүй бол нийтэд тустай ажил хийлгэх, заавал торгуулийг нь төлүүлдэг байх зохицуулалтыг тусгасан байна.
Хэрвээ жилийн хугацаанд торгуулиа төлөөгүй бол төрөөс үзүүлэх зарим үйлчилгээг /тээврийн хэрэгслийн шилжих эрхийг хязгаарлах, жолоодох үнэмлэх авах, ангилал нэмэх, нөхөн авах, ангилал нэмэх, өөрчлөх эрх/хязгаарлах, тухайн торгуультай этгээд эд хөрөнгөөр нь барагдуулах, тээврийн хэрэгслийг нь замын хөдөлгөөнд оролцуулахаас татгалзах, хориглох зэрэг арга хэмжээг авах аж.
Эл хуулийн зохицуулалт 2024 оны нэгдүгээр сарын 1-ээс хэрэгжиж эхэлснийг Хууль зүй, дотоод хэргийн яамнаас мэдээллээ.
СЭТГЭГДЛҮҮД /0/