Орхон аймгийн “Залуучуудын хөгжлийн хөтөлбөр”-ийн хүрээнд залуучуудын хөдөлмөр эрхлэлт, хөгжил оролцоог дэмжих, чөлөөт цагаа зөв зохистой өнгөрүүлэхэд чиглэсэн “Youth power” төсөл амжилттай хэрэгжиж байна. Төслийн нэг хэсэгт залуучуудын хөдөлмөр эрхлэлтийг дэмжих сургалтууд багтсан бөгөөд оёдол эсгүүр, уран бичлэг, бялуу урлах, нэхмэлийн болон гар урлалын сургалтууд гурван сарын хугацаатай явагдлаа. Сургалтад Орхон аймгийн залуучууд идэвхтэй хамрагдаж, эрхэлсэн ажлынхаа хажуугаар нэмэлт орлоготой болох, өөртөө шинэ ажлын байр бий болгох бүрэн боломжтой сургалтаар мэдлэг оюунаа тэллээ. Мөн залуучууд сургалтынхаа үр дүнг хуваалцсан цахим захидал ирүүлж, хүсэн хүлээсэн сургалт явуулсанд талархсан сэтгэгдлээ илэрхийлсэн юм. Залуучуудын хөгжлийг дэмжих “Youth power” буюу “Залуусын хүч” төсөл ийнхүү амжилттай хэрэгжиж, 20 гаруй залуусыг шинэ мэдлэгээр “цэнэглэлээ”.
-10°C / -4°C
Эрдэнэт · Цас
СЭТГЭГДЛҮҮД /0/