“Хилэнт эх” хэмээх модон луу жилийн сар шинийн босгон дээр аймгийн Засаг даргын захирамжаар 2023 оны аймгийн аварга малчин, тариаланчдыг шалгаруулж өнөөдөр шагналыг гардуулан өглөө. 
“АЙМГИЙН АВАРГА МАЛЧИН”-аар Баян-Өндөр сумын Малчин багийн малчин Г.Эрдэнэдаваа, Жаргалант сумын Дулаан-Уул багийн малчин Я.Намбар нар тодорлоо. 
“АЙМГИЙН АВАРГА ТАРИАЛАНЧ”-аар Жаргалант сумын  тариаланч Д.Энх-Амгалан, Б.Баттулга, М.Очирхуяг нар тодорсон бол “Аймгийн аварга тариаланч хамт олон”-оор “Баясгалант Бат-Очир” ХХК  шалгарлаа. 
       Аймгийн Засаг даргын 2017 оны А/729 дүгээр захирамжаар “Аймгийн аварга малчин, аймгийн аварга фермер, аймгийн аварга тариаланч шалгаруулах журам” батлагдсан байдаг. Энэхүү журмын хүрээнд 2020-2023 онд хүнс, хөдөө аж ахуйн салбарт тодорхой амжилт гарган ажилласан хоёр малчин, гурван тариаланч болон нэг тарианланч хамт олныг “Аймгийн аварга”-аар шалгаруулсан юм. 
      Мөн сар шинийн босгон дээр 2023 оны Орхон аймгийн баяр наадмын шагайн харвааны тэргүүн байрын шагналт Оюу Аргай багийн харваачид “Аймгийн гоц мэргэн” цол хүртсэн бол, аймгийн алдарт уяач цолны болзол хангасан долоон уяачид цол олголоо. 
        Шагналыг Монгол Улсын Их хурлын гишүүн Д.Батлут, аймгийн ИТХ-ын дарга Д.Мөнхбат, аймгийн Засаг даргын орлогч М.Түмэнжаргал нар гардууллаа.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0