Орхон аймагт энэ жил хурдан морины 2024 оны бүсийн уралдаан болох бөгөөд баяр наадмыг тэмдэглэн өнгөрүүлэх товийг өнөөдрийн хуралдсан засгийн газрын хуралдаанаар батлав.
Эрдэнэт хот, Эрдэнэт үйлдвэрийг бүтээн босгосон “Илгээлтийн эзэд-50” жилийн ойн баяр наадамтай хамтатган наймдугаар сарын 1-2-нд тэмдэглэхээр тогтоолоо.Ингэснээр Орхончууд энэ жил хоёр удаа наадам хийнэ. Тодруулбал 7-р сарын 5,6 ны өдрүүдэд Баян-өндөр сумын 30 жилийн ойн баяр наадам болох бөгөөд энэ хугацааг өөрчлөж 7-р сарын 10,11 ны өдрүүдэд тэмдэглэх саналыг хүргүүлэхээр болсон байна.
Энэ жилийн тухайд Булган аймгийн баяр наадмыг 2024 оны долоодугаар сарын 7-8-нд, Говьсүмбэр, Баянхонгор, Өмнөговь аймгийн баяр наадмыг долоодугаар сарын 27, 28-нд,мөн хурдан морины 2024 оны бүсийн уралдааныг аймгийн баяр наадамтай хамтатган зохион байгуулахыг Говьсүмбэр аймгийн Засаг дарга Г.Батсуурь, Баянхонгор аймгийн засаг дарга Д.Мөнхсайхан, Өмнөговь аймгийн Засаг дарга Р.Сэддорж, Орхон аймгийн Засаг дарга М.Түмэнжаргал нарт даалгасан байна.
СЭТГЭГДЛҮҮД /0/