Орхон аймгийн 60 иргэнд өргөө цагаан гэр олгох батламжийг аймгийн Засаг дарга Б.Зоригтбаяр тэргүүтэй албаны хүмүүс гардууллаа. Аймаг, сумдын Засаг дарга нарт хандаж гэр хүссэн 200 гаруй иргэний өргөдөлд нөхцөл байдлын үнэлгээ хийсний үндсэн дээр амжиргааны баталгаажих төвшнөөс доогуур орлоготой, гал, усны гамшигт өртөж орон гэргүй болсон, өндөр настай гээд Баян-Өндөр, Жаргалант сумдын 60 иргэнд гэр олгов. Тодруулбал, аймгийн Нийгмийн халамжийн зөвлөл, Баян-Өндөр, Жаргалант сумдын Амжиргааг дэмжих зөвлөл, баг, сумын ажлын албаны хамтарсан өргөтгөсөн хурлаар гэр олгох асуудлыг хэлэлцэн шийдвэрлэжээ.
Аймаг орон нутгийн зүгээс иргэдэд чиглэсэн хүний хөгжлийг гол зорилтоо болгосон бодлого , хөтөлбөрийг батлан үйл ажиллагааг хэрэгжүүлж байна.
Аймгийн Засаг даргын үйл ажиллагааны хөтөлбөрийг 2024-2028 онд хэрэгжүүлэх төлөвлөгөөний хүрээнд иргэдэд чиглэсэн Хүний хөгжлийг гол зорилтоо болгосон бодлого үйл ажиллагааг хэрэгжүүлж байгаа билээ. Иргэдэд гэр олгох асуудлыг аймгийн ИТХ-аар төсвийг баталж өгснөөр Орон нутгийн өмчийн газраас худалдан авах ажиллагааг зохион байгуулсан.
СЭТГЭГДЛҮҮД /0/