Цагдаагийн байгууллагаас хүүхдийг гэмт хэрэг, зөрчлөөс урьдчилан сэргийлэх "Хичээл эхэллээ" арга хэмжээний талаар мэдээлэл өглөө.

Цагдаагийн ерөнхий газрын Хүүхдийн эсрэг гэмт хэргээс урьдчлан сэргийлэх газрын дарга, цагдаагийн дэд хурандаа Д.Будзаан: "Хичээл эхэллээ" арга хэмжээг есдүгээр сарын 1-4-ний өдрүүдэд зохион байгуулна. Эдгээр өдрүүдэд цагдаагийн байгууллагын 5200 орчим албан хаагч сургуулийн орчимд болон замын хөдөлгөөний аюулгүй байдлыг ханган ажиллана. Мөн ЕБС-иудад гэмт хэргээс урьдчилан сэргийлэх хичээл орно. Хичээлийн шинэ жил эхлэхтэй холбоотойгоор "Гадаад, дотоодын сургуульд элсүүлнэ, дүн, оноо ахиулж өгнө" гэхчлэн иргэдийн залилан мэхлэх тохиолдол байдаг. Өнөөдрийн байдлаар энэ төрлийн 14 гэмт хэрэг илрүүлэн, шалгаж байна.

Энэ оны эхний найман сард хүүхэд үйлдсэн гэмт хэрг улсын хэмжээнд 27 хувь буурчээ. Хүүхэд хохирсон гэмт хэрэг улсын хэмжээнд 6.8 хувь буурсан. Жил бүрийн ес, аравдугаар сард хүүхдийн гэрийн даалгавар хийлгэхдээ эцэг, эхчүүд хүүхэдтэйгээ зөрчилдсөн дуудлага, мэдээлэл цагдаагийн байгууллагад нэмэгддэг" гэв.