Гэр хорооллын айл өрхүүдийн цахилгааны шөнийн тарифын хөнгөлөлтийг хэрэгжүүлж эхэллээ. Өмнө нь шөнийн тарифын хөнгөлөлт өглөөний 6 цаг хүртэл байсан бол шинэ журмаар 9 цаг хүртэл сунгасан юм. Тарифын хөнгөлөлтөд төлбөрийн үлдэгдэлгүй айлуудыг хамруулна.

Энэ талаар Эрчим хүчний зохицуулах хорооны үнэ тарифын газрын дарга Б.Эрдэнэбулган "Нийслэл, аймгийн төвүүд, 10 мянгаас дээш хүн амтай сум суурин газруудын айл өрхийн шөнийн хэрэглээний тарифыг хөнгөлнө. Хөнгөлөлт үзүүлэх цагийг сунгасан. Хугацаа хэтэрсэн өр төлбөргүй байх шаардлагатай. Цахилгаанаар халаалтаа шийдсэн айлууд галын аюулгүй байдлаа хангасан байх үндсэн шалгууртай" гэв. 

240 мянган айлд 81 тэрбум төгрөгийн хөнгөлөлт үзүүлэх аж.