Байгаль орчин, уур амьсгалын өөрчлөлтийн яамнаас ирэх намар цэцэрлэг, сургуулийг есдүгээр сарын 15-нд эхлүүлэх саналыг Боловсролын яаманд хүргүүлжээ. Учир нь Монгол Улс Цөлжилттэй тэмцэх тухай НҮБ-ын конвенцын Талуудын 17 дугаар бага хурал /COP17/-ыг 2026 оны наймдугаар сарын 17-28-нд зохион байгуулахаар бэлтгэл ажлаа хангаж байгаа юм. Үүнтэй холбоотойгоор ирэх намар хичээл, сургуулийг есдүгээр сарын 15-нд эхлүүлэх саналыг Байгаль орчин, уур амьсгалын өөрчлөлтийн яамнаас гаргаж, холбогдох яаманд хүргүүлжээ. НҮБ-ын конвенцын Талуудын 17 дугаар бага хуралд 197 улсын удирдагчид, сайд нар, иргэний нийгмийн байгууллагынхан, бизнесийнхэн гээд 10 мянга шахам хүн ирнэ гэж тооцоолж байна. COP16 Саудын Араб улсад болоход 45 мянга гаруй хүн оролцсон бол манайх өөрийн нөөц бололцооныхоо хэмжээнд 10 мянга шахам зочин оролцогч хүлээн авахаар төлөвлөжээ.

Эх сурвалж: news.mn 

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0