Сүүлийн жилүүдэд Монгол Улс болон БНХАУ-ын хамтын ажиллагаа эрчимтэй өргөжин тэлж, бүс нутгийн эдийн засгийн хөгжилд чухал хувь нэмэр оруулж байна. Тус хамтын ажиллагааны гол тулгуур нь Хятад–Монгол–Оросын эдийн засгийн коридор бөгөөд дэд бүтэц, худалдаа, тээврийн салбарт бодит ахиц дэвшил авчирчээ.Эдийн засгийн коридорын хүрээнд хэрэгжиж буй төслүүдийн үр дүнд Монгол Улсын транзит тээврийн боломж нэмэгдэж, хоёр хөрштэйгөө холбогдох логистикийн сүлжээ эрчимтэй хөгжиж байна. Ялангуяа төмөр замын шинэ холболтууд ашиглалтад орсноор экспортын гол нэрийн бүтээгдэхүүн болох нүүрсний тээвэрлэлтийн үр ашиг сайжирч, хугацаа болон зардал мэдэгдэхүйц буурчээ.Мөн хилийн боомтуудыг өргөтгөж, нэвтрүүлэх хүчин чадлыг нэмэгдүүлэх ажлууд эрчимжсэнээр хоёр улсын худалдааны эргэлт тогтвортой өсөж байна. Нүүрсний экспорт, уул уурхайн бүтээгдэхүүний нийлүүлэлт, аж үйлдвэрийн хамтын ажиллагаа нь эдийн засгийн харилцан уялдаа холбоог улам бэхжүүлж буйг албаныхан онцолж байна.

Хоёр улсын хамтын ажиллагааны хүрээнд зөвхөн эдийн засгийн үзүүлэлтүүд сайжраад зогсохгүй, орон нутгийн хөгжил, ажлын байр нэмэгдэх, бизнесийн шинэ боломжууд бий болох зэрэг эерэг үр нөлөө бодитоор мэдрэгдэж эхэлжээ.

Цаашид Монгол Улс, БНХАУ нь худалдааны хэмжээг нэмэгдүүлж, хамтын ажиллагааг илүү өргөжүүлэх зорилт тавиад байна. Тухайлбал, хоёр улс 20 тэрбум ам.долларын худалдааны зорилгод хүрэхээр хамтран ажиллаж байгаа бөгөөд дэд бүтэц, логистик, эрчим хүч, уул уурхайн салбарууд энэ өсөлтийг дэмжих гол чиглэл хэвээр байна.

Шинжээчдийн үзэж буйгаар, эдийн засгийн коридорын төслүүд цаашид бүрэн хэрэгжсэнээр бүс нутгийн интеграц гүнзгийрч, Монгол Улс дамжин өнгөрөх тээврийн чухал зангилаа болох боломж улам нэмэгдэх юм.

“Хамтын ажиллагаа нь зөвхөн эдийн засгийн өсөлт төдийгүй бүс нутгийн тогтвортой хөгжил, харилцан ашигтай түншлэлийн бат бөх суурийг бүрдүүлж байна.”

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0