“Евро Эко Төгөл” хороолол төслийн гүйцэтгэгчтэй байгуулсан гэрээг өнгөрсөн 2019 онд шинэчилсэн 2012 онд эхэлсэн тус төслийн хүрээнд нийтдээ 3474 айлын орон сууц 280 хүүхдийн хоёр цэцэрлэг, 1100 хүүхдийн сургууль, худалдаа, үйлчилгээний төв ашиглалтад орох ёстой гэж анх гэрээг үзэглэсэн байдаг. Төслийн гэрээ урьд нь хоёр удаа шинэчлэгдэж өөрөөр хэлбэл хоёр засаг даргын нүүр үзчихсэн Ингэхдээ тодруулбал гэрээг шинэчлэх бүрт орон нутгийн иргэдэд ашиггүй заалтууд нэмэгддэг байв. “Хороолол төлөвлөгдсөн газарт буюу Цагаанчулуут багийн 49-52 гудамжинд оршин сууж буй айлуудыг дахин төлөвлөлтөнд хамруулах хугацаа хойшилсоор ирсэн төдийгүй мөн нийгмийн дэд бүтцийн ажлуудыг ямар ч сонгон шалгаруулалтгүйгээр “Их хаадын цуваа” компани гүйцэтгэдэг байсан юм. Эдгээр асуудлуудыг судлаж үзсэнээр гэрээг шинэчлэн байгуулахдаа иргэд, орон нутагт ашигтай байдлаар шийдсэн нь цэцэрлэг сургууль барих газрын төр эргүүлэн авсан явдал.
Түүнээс гадна тус төслийг хэрэгжүүлэгч талаас орон нутгийн төсөвт төвлөрүүлэх газрын төлбөрийн асуудлыг нэг мөр шийдвэрлэжээ. Шинэчилсэн гэрээг 15 жилийн хугацаатай байгуулсан, Чех Улсын “FINE EP” компани хөрөнгө оруулж “Их хаадын цуваа” ХХК-ийн гүйцэтгэж буй “Евро Эко Төгөл” хороолол төслийг хэрэгжүүлэхийн тулд Орон нутаг газрыг үнэ төлбөргүй олгож, инженерийн шугам сүлжээний зардалд улсын төсвөөс 5 тэрбум төгрөг зарцуулсан гэтэл 8 жилийн нүүр үзсэн тус хороололд оршин сууж буй иргэд хүүхдээ цэцэрлэг, сургуульд хамруулах тал дээр асуудал дэвшүүлсэн хэвээр байгаа юм. Гэрээг шинэчлэхдээ цэцэрлэг сургуулийн газраа авчихсан учир төр өөрийн хөрөнгөөр энд дэд бүтцийн асуудлыг шийдвэрлэнэ.
Орон сууцжуулах төсөл нэрээр аймаг орон нутгаас 7га газар авсан хөрөнгө оруулагч Чех Улсын “FINE EP” компани гүйцэтгэгч “Их хаадын цуваа” ХХК өнөөдөр ашгаа нэгт тавьж оршин суугчдын асуудлыг хоёрт тавьсан нь зарим жишээгээр харагдах энэ нь үйлчилгээний байгууллага байхгүй автобуссын зогсоолыг шийдээгүй хүүхдийн тоглоомын талбайг стандартын дагуу ТОМХОН зайнд хийгээгүй авто машины зогсоол гражуудыг 100 хувь шийдвэрлээгүй гэх зэрэг нийтлэг асуудлууд бий.
Анх төсөл хэрэгжих үед 1мк- үнэ 1сая 350 мянган төгрөг байсан бол өнөөдөр энэ ханш нэг дахин нэмэгдсэн.Тус хороололын оршин суугчид СӨХ-гоороо дамжуулан “Их хаадын цуваа” ХХК болон Орхон аймгийн Засаг даргын тамгын газарт хүсэлт гаргаж цэцэрлэг барьж өгөхийг шаарджээ.
Учир нь ашиглалтанд орсон 6 ширхэг 9 давхар бүхий орон сууцны нийт 270 өрх айлын сургууль,цэцэрлэгийн насны 380 гаруй хүүхдүүд байгаа тул эхний ээлжинд цэцэрлэгийн насны 190 гаруй хүүхдийг шинэ цэцэрлэгт хамруулж өгөхийг хүссэн байна. Төр мэдэлдээ авсан 3га газарт 550 хүүхдийн сургууль, хоёр 280 хүүхдийн хоёр цэцэрлэг барихаар төлөвлөж байгаа ч энэ оны төсөвт цэцэрлэг барих төсөв хөрөнгө огт суугаагүй гэв.Төсөл анхнаасаа дэд бүтцээ төрөөр даалгах гэрээг хийж дээр нь газраа үнэгүй авсан гэтэл заасан хугацаандаа цэцэрлэг,сургууль бариагүй эцэстээ төрд буцаагаад газрыг нь өгсөн нэрээр хариуцлагаас бултчихсан. Энэ бүхнээс харахад ашиг харж ажлаа эхэлж хуулийн цоорхой ашиглан цаг хугацаа хожсон болж таарч байна. Төслийн хүрээнд цаашид Цагаанчулуут багийн 49-52 гудамж дахин төлөвлөлтөнд орно. Ингэснээр нийтдээ 3474 айлын орон сууц баригдаж давхар худалдаа үйлчилгээний цогцолбор ашиглалтанд орох ёстой. Харин оршин суугчид нялх балчир үрсээ сурч хүмүүжих орчин нөхцөлөөр хурдан хугацаанд хангаж өгөхийг хүссээр байна.
Т.Атарбаяр
зөв зөв цэцэрлэг хурдан барьж өгөөч
ээж
6 ширхэг 9 давхар байрнаас гадна, 13 давхар байрууд ашиглалтанд ороод хүүхдүүдийн тоо 2 дахин нэмэгдчихсэн бгаа. Хүүхдүүдээ 4 зүг 8 зовхист тал тал тийш нь зөөж байна. Арай дэндүү юмаа.
Оршин суугч