Аймаг, нийслэл, сум, дүүргийн ИТХ-ын ээлжит сонгуульд Орхон аймаг 66866 сонгогч нэрсийн жагсаалтанд бүртгэгдсэн. Орон нутгийн сонгуулийн санал авах 37 хэсгийн хороо ажиллаж байгаа бөгөөд хэсгийн хороодод сонгогчдын тоо,саналын хуудасны загвар мандатын тооноос хамаарч харилцан адилгүй санал тоолох машинуудыг байршуулсан байна.
Нийт хэсгийн хороодод 57 санал тоолох машин өнөөдөр ажиллаж байна. Саналын хуудсанд мандатын тооноос илүү нэр дэвшигчийг дугуйлбал хүчингүйд тооцохыг анхааруулсан ч сонгогчид саналын хуудас хүчингүй болох зөрчил цөөнгүй гарсаар байна.Энэ тохиолдолд сонгогч та өргөдөл бөглөж дахин нэг удаа саналын хуудас авах эрхтэй.
Иргэд иргэний үнэмлэхгүй байсан ч хурууны хээгээ уншуулаад саналаа өгөх боломжтой гэдгийг сонгуулийн хорооноос мэдэгдсэн. Харин санал өгч байгаа тухайн иргэний хурууны хээг таниагүй тохиолдолд иргэний үнэмлэх, иргэний үнэмлэх-ний лавлагааг шалгаж саналыг өгүүлэх боломжтой.
СЭТГЭГДЛҮҮД /0/