Хүчтэй шороон шуурганы улмаас найман гэр нурж, эвдэрчээ

Өчигдөр хүчтэй шороон шуурга шуурсны улмаас Өмнөговь, Баянхонгор аймагт найман гэр нурж, эвдэрчээ. Тодруулбал, Баянхонгор аймгийн Баянлиг суманд өчигдөр 18-20 м/с хүртэл хүчтэй түр зуурын шороон шуурга шуурсны улмаас хоёр өрхийн гэр нурж, эвдэрсэн байна. Энэ тухай мэдээллийг өчигдөр 19:30 цагт онцгой байдлын байгууллагад ирүүлжээ. Шуурганд иргэн Б-ын 5 ханатай нэг гэр, Н-ын 4 ханатай нэг гэр нурж, ашиглах боломжгүй эвдэрсэн тухай мэдээллийг тус сумын Засаг дарга аймгийн Онцгой байдлын газарт мэдээлсэн байна.

Мөн Өмнөговь аймгийн Булган суманд 20 м/с хүртэл хүчтэй түр зуурын шороон шуурга шуурсны улмаас зургаан гэр нурсан тухай мэдээллийг онцгой байдлын байгууллагад ирүүлжээ. Шуурганд малчин Д-ийн 5 ханатай нэг гэр, 4 ханатай нэг гэр, Б-ийн 5 ханатай нэг гэр, 4 ханатай нэг гэр, Э,  Н нарын 4 ханатай хоёр гэр нурсан байна.

Энэ мэдээ танд ямар санагдав?
Уур минь хүрч байна
0
Харин л дээ
0
Хөөрхөн байна
0
Инээд хүрч байна
0
Харамсалтай байна
0
Гайхмаар байна
0

СЭТГЭГДЭЛ ҮЛДЭЭХ

зочин1
зочин2
зочин3
зочин4
зочин5
зочин6
зочин7
зочин8

АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.ErdenetLife.mn хариуцлага хүлээхгүй.