Орхон аймгийн Улсын бүртгэлийн хэлтсийн даргаар М.Отгонбаяр томилогдлоо

    Орхон аймгийн  Улсын бүртгэлийн хэлтсийн даргаар 2 жил гаруй хугацаанд  ажилласан  Д.Мөнхболд чөлөөлөгдөж Улсын бүртгэлийн хэлтсийн даргаар өмнө нь тус байгууллагад  ажиллаж байсан М.Отгонбаярыг томилсон байна..

М.Отгонбаярыг ажлаас нь үндэслэлгүйгээр халсан тухай гурван шатны шүүхийн шийдвэр гараад байсан юм.Тэрээр уг асуудлаар удаа дараа хууль хяналтын байгууллагын гаргасан шийдвэрийг биелүүлэхгүй хууль зөрчиж байгаа талаараа мэдээлэл хийж байв.Тэрээр үүрэгт ажлаасаа хууль бусаар халагдсан гэх үндэслэлээр шүүхэд хандсан бөгөөд түүний гаргасан гомдолд гурван шатны шүүхээс ажилдаа эргүүлэн томилогдох үндэслэлтэй гэсэн хариуг өгч байж.М.Отгонбаяр Орхон аймгийн Улсын бүртгэлийн газрын даргын  ажлаа Даваа гарагт хүлээн авчээ.